Сапалы білім берудің іс жүзіндегі көрінісі: әл-Фараби атындағы ҚазҰУ Қылмыстық құқық, қылмыстық іс жүргізу және криминалистика кафедрасының студенттері баллистика теориясын тәжірибеде қолданды

    БҰҰ-ның Тұрақты даму мақсаты №4 «Сапалы білім беру» аясында және студенттердің тәжірибеге бағытталған оқыту қағидатын жүзеге асыру мақсатында әл-Фараби атындағы Қазақ ұлттық университетінің заң факультетінің Қылмыстық құқық, қылмыстық іс жүргізу және криминалистика кафедрасы білім берудің инновациялық түрлерін белсенді түрде енгізуді жалғастыруда. Осындай бағыттардың бірі — теориялық білім мен практикалық дағдыларды ұштастыруға бағытталған бейіндік оқу орталықтары мен мекемелер базасында шығармашылық (выездное) сабақтар өткізу болып табылады.

     2025 жылғы 6 қазанда кафедраның аға оқытушысы Темірболат Н.С. заң факультетінің «Құқықтану» білім беру бағдарламасының 4-курс студенттері үшін Қазақстан Республикасының Арнайы оқу орталығында «Жедел-іздестіру қызметі» пәні бойынша шығу сабағын өткізді.

    Іс-шараның мақсаты – студенттердің теориялық білімдерін бекіту және криминалистикалық даярлық саласындағы тәжірибелік дағдыларын дамыту. Бұл бастама БҰҰ-ның Тұрақты даму мақсаты №4 қағидаттарына толық сәйкес келеді, ол инклюзивті және сапалы білім беруді қамтамасыз етуге, сондай-ақ өмір бойы оқуға жағдай жасауға бағытталған.

    Сабақ барысында студенттер тәжірибелі инструкторлардың жетекшілігімен атыс қаруларының түрлерімен, оқтың ұшу динамикасымен, сыртқы факторлардың әсерімен және траекторияны болжау әдістерімен танысты. Ерекше назар атыс іздерін анықтау және зақымданулардың қалыптасу ерекшеліктеріне аударылды — бұл баллистикалық сараптаманың негізгі аспектілері болып табылады.

     Сабақтың тәжірибелік бөлігі оқу орталығының материалдық-техникалық базасында өтті. Студенттер қарумен қауіпсіз жұмыс істеу дағдыларын меңгеріп, тәжірибелік жұмыстар барысында қауіпсіздік техникасының ережелерін қатаң сақтады.

     Мұндай сабақтар болашақ заңгерлердің кәсіби құзыреттілігін қалыптастыруға, аналитикалық ойлау қабілетін дамытуға және теориялық білімдерін құқық қорғау қызметінің нақты жағдайларында қолдануға мүмкіндік береді.

    Әл-Фараби атындағы Қазақ ұлттық университетінің заң факультетінің Қылмыстық құқық, қылмыстық іс жүргізу және криминалистика кафедрасы жаһандық білім беру стандарттарына және БҰҰ-ның ТДМ №4 «Сапалы білім беру» қағидаттарына сәйкес практикалық бағыттағы оқыту әдістерін жетілдіруді жалғастыруда, заңдылық пен құқықтық тәртіпті қамтамасыз етуге қабілетті жоғары білікті мамандар даярлауды қамтамасыз етеді.