БҰҰ ТДМ 4 «Сапалы білім іс жүзінде» шеңберінде баллистикалық ілімдер бойынша тәжірибелік сабақтар

  БҰҰ-ның «Сапалы білім іс жүзінде» тұрақты дамуының 4 мақсатын іске асыру шеңберінде PhD докторы, қылмыстық құқық, қылмыстық іс жүргізу және криминалистика кафедрасының профессор м.а. Қуаныш Аратұлымен «Құқыққорғау қызметі» білім беру бағдарламасының студенттеріне арналған «Долан» ҚР Мамандандырылған оқу орталығында криминалистика бойынша практикалық сабақтар өткізілді.

  «Криминалистика» пәнін оқу шеңберінде білім алушылар баллистика негіздерімен танысты, атыс қаруының түрлі құрылғыларын, механизмдері мен жұмыс принциптерін зерделеді, сондай-ақ қаруды қауіпсіз қолдану және ату дағдыларын іс жүзінде пысықтады. Баллистика ғылым ретінде оқ-дәрілер мен пулдардың қозғалыс заңдылықтарын, олардың әртүрлі беттермен өзара әрекеттесуін және қаруды қолданудың салдарын зерттейді, бұл криминалистерге қылмыс оқиғаларын дәл қайта құруға мүмкіндік береді. Студенттер атудың траекториясын талдауды, ату қашықтығы мен бағытын анықтауды, сондай-ақ бетінде қалған іздер бойынша қару түрін айыруды үйренді, бұл олардың кәсіби дағдыларын едәуір арттырады.

  «Мұндай сабақтар Құқыққорғау қызметі бағытындағы студенттерге ҚазҰУ қабырғасында алған теориялық білімдерін бекітіп қана қоймай, болашақта құқық және құқықтық тәртіп саласында жұмыс істеу үшін қажетті кәсіби құзыреттіліктерін дамытуға көмектеседі» - деп атап өтті Қуаныш Аратұлы.

  Заң факультетінің қылмыстық құқық, қылмыстық іс жүргізу және криминалистика кафедрасының «Құқыққорғау қызметі» студенттерінің бойында кәсібиліктің жоғары деңгейін, қазіргі жағдайда және еңбек талаптарында жұмысқа дайындықты қалыптастыруға бағытталған.