ТДМ 8 «Лайықты еңбек және экономикалық өсу»

Мемлекет және құқық теориясы мен тарихы, конституциялық және әкімшілік құқық кафедрасының оқытушылары Бақтияр Арна, Жайнак Айдар және Жапарбек Арайлым 8-ші Тұрақты даму мақсаты – «Лайықты еңбек және экономикалық өсу» бойынша «Жасанды интеллекттің еңбек нарығы мен жұмыспен қамтылуға әсері: Қазақстан үшін қауіптер мен мүмкіндіктер» тақырыбында сабақ өткізді.
Іс-шараға заң факультетінің 3-курс студенттері белсенді қатысты.

📌 Оқытушылар жасанды интеллект технологияларын енгізудің еңбек нарығына қалай әсер ететіні, қандай мамандықтардың біртіндеп жойылып бара жатқаны және керісінше, қандай мамандықтардың сұранысқа ие бола бастағаны туралы айтты.

📌 Ерекше назар цифрлық теңсіздік мәселелеріне, кадрларды қайта даярлау қажеттілігіне, «ақылды» жұмыс орындарын құруға және цифрлық трансформация үдерістерін реттеудегі мемлекеттің рөліне аударылды. Дұрыс даму стратегиясы кезінде жасанды интеллект Қазақстанның инновациялық өсуі мен тұрақты экономикалық дамуының қуатты құралына айнала алатыны атап өтілді. Сондай-ақ Президент Қ. Тоқаевтың «Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу» атты Жолдауында жасанды интеллект ел дамуының стратегиялық басымдықтарының бірі ретінде айқындалғаны айтылды.