2025 жылдың 6-8 қарашасы аралығында Алматыда өткен «ОРТАЛЫҚ АЗИЯДАҒЫ БИОЛОӘРТҮРЛІЛІКТІ САҚТАУ МӘСЕЛЕЛЕРІ МЕН БОЛАШАҚТАРЫ» конференциясы аясында Алматы мемлекеттік табиғи қорығына экскурсия өткізілді

Биоәртүрлілікті сақтау жөніндегі халықаралық конференцияның екінші күнінде Алматы мемлекеттік табиғи қорығына экскурсия өткізілді.

Конференцияға қатысушылар, соның ішінде Тұрақты даму бойынша ЮНЕСКО кафедрасының, рекреациялық география және туризм кафедрасының, Алматы мемлекеттік табиғи қорығының, «Жер достары» үкіметтік емес ұйымының өкілдері, NETSCI-дегі неміс серіктестері және Орталық Азиядан келген қонақтар қорық мұражайына барып, аймақтың бай биоәртүрлілігі танысып қайтты.

Экскурсиядан кейін қатысушылар қорықтың экологиялық соқпағымен жаяу серуендеп, онда әртүрлі өсімдік түрлерін, жидектерді және табиғи экожүйелердің элементтерін бақылады. Бұл формат табиғи аумақтарды қорғаудың және биоәртүрлілікті құрметтеудің маңыздылығын көрсетті.

Бұл іс-шара серіктестер арасындағы халықаралық байланысты нығайтудағы маңызды қадам болды және болашақ бірлескен ғылыми және білім беру жобалары үшін жаңа мүмкіндіктер ашты.