Оқушылардың заңгерлік мамандыққа қызығушылығын арттыруға бағытталған кездесу
2025 жылдың 29 қазан күні Заң факультетіне Жетісу облысының қоғамдық даму басқармасының өкілдері және “Әдеп-құқық жұмысы жөніндегі ментор” жобасының мүшелерімен бірге 30 оқушы келді.
Қонақтар факультеттің құрылымымен, оқу процесімен және студенттердің ғылыми-зерттеу қызметімен танысты.
Кеден, қаржы және экологиялық құқық кафедрасының меңгерушісі, з.ғ.д., профессор Г.А. Қуаналиева іс-шара барысында кафедраның негізгі бағыттары, ғылыми жетістіктері мен оқу бағдарламалары туралы ақпарат берді. Сондай-ақ, кафедраның профессорлық-оқытушылық құрамы оқушыларға құқық саласындағы мамандықтардың ерекшеліктерін түсіндіріп, кәсіби бағдар берді.
Кездесу жылы әрі мазмұнды жағдайда өтіп, оқушылардың болашақ мамандық таңдаудағы ынтасы мен қызығушылығын арттырды.