23.10.2024 жылы сағат 19.00-де әл-Фараби атындағы ҚазҰУ-дың №14 жатақханасында әл-Фараби атындағы ҚазҰУ медицина және денсаулық сақтау факультеті студенттері Қазақстанның тұрақты даму мақсаттарындағы №3-ші «Мықты денсаулық және әл-ауқат» мақсатын жүзеге асыруға орай, ҚазҰУ-дың 90-жылдық мерей тойына және 25-қазан Республика күніне орай, ұлттық ойындарды дәріптеу мақсатында тоғызқұмалақтан жарыс ұйымдастырылды. Тоғызқұмалақ ойыны – адамның ұтқырлық пен тапқырлық қасиетін ұштайтын, әрі математикалық ойлау мен төзімділікке баулитын ойын. Ол ежелгі түркілер қасиетті санаған 9 санына негізделген. Ойын жылдамдық пен әдіс-тәсіл санауға құрылған. Тоғызқұмалақ жарысын өткізудің мақсаты: студенттер арасында Ұлттық ойынды жандандыру, қызығушылығын арттыру, ұлттық ойын түрлерін дәріптеу, ұлттық ойындар арқылы ұлттық сана сезімін молайту. Тоғызқұмалақ жарысынан жеңімпаз атанған студенттерге мақтау қағаздары мен тәтті сыйлықтар берілді.
Басқа жаңалықтар
