Қазақстанның ұлттық мәдени мұрасы: этникалық сана және ортақ құндылықтар

2024 жылғы 20 қарашада Экономика және бизнес жоғары мектебі, Экономика кафедрасы, 5-ші залда «Қазақстанның ұлттық мәдени мұрасы: этникалық сана және ортақ құндылықтар» тақырыбында ашық кураторлық-эдвайзерлік сағат өткізді. Бұл іс-шара ТДМ-11: «Тұрақты қалалар мен елді мекендер» шеңберінде ұйымдастырылды. Іс-шара барысында Қазақстанның мәдени мұрасын сақтау және насихаттау, этникалық сананы нығайту және халық арасында ортақ құндылықтарды ілгерілету мәселелері талқыланды. Қатысушылар мәдени дәстүрлерді қазіргі қоғамға интеграциялаудың тұрақты даму мен әртүрлі этникалық топтардың үйлесімді өмір сүруін қамтамасыз етудегі маңыздылығын атап өтті. Сондай-ақ, Қазақстан өңірлерінде ұлттық мұраны сақтау бойынша жобаларды табысты жүзеге асыру мысалдары қарастырылды. Ортақ құндылықтарды білім беру және мәдени бастамалар арқылы сақтау мен дамытуда жастардың рөліне ерекше көңіл бөлінді. Ұйымдастырушы: куратор-эдвайзер Тураров Д.Р.