Қытайтану кафедрасында “Ашықтық және реформалар” саясатынан кейінгі Қытайдағы экономикалық өзгерістердің мәдениетке ықпалы” тақырыбында ғылыми семинар өткізілді.

2025 жылғы 28 наурызда әл-Фараби атындағы Қазақ ұлттық университетінің Шығыстану факультетінде  “Ашықтық және реформалар” саясатынан кейінгі Қытайдағы экономикалық өзгерістердің мәдениетке ықпалы” тақырыбында ғылыми- семинар өтті. Іс-шараны Қытайтану кафедрасы 8D02209 – «Шығыстану» мамандығы бойынша 2-курс докторанты Искакова Зухраның  зерттеу жұмысы аясында ұйымдастырды.

Семинарға оқытушылар, докторанттар, магистранттар және Қытай мәдениетінің даму үлгісіне қызығушылық танытқан зерттеушілер қатысты. Бұл іс-шараның мақсаты – Қытайдың экономикалық реформаларының мәдени аспектілерге қалай әсер еткені туралы терең зерттеу жүргізу. Семинарда Қытайдың реформалары мен ашықтық саясатының (1978 жылдан бастап) экономикалық даму жолындағы маңыздылығы мен қоғамдағы мәдени өзгерістерге тигізген ықпалы талқыланды. Сонымен қатар, қытай мәдениетінің қазіргі заманғы өзгерістері мен жаһандану дәуіріндегі мәдени интеграция мәселелері сарапқа салынды.

Семинар қорытындысы бойынша ғылыми жарияланым дайындау және тақырыпты тереңірек зерттеу үшін қосымша кездесулер ұйымдастыру туралы шешім қабылданды.