Таяу Шығыс және Оңтүстік Азия кафедрасында қорғауға шықпаған докторанттармен кездесу

31 наурыз күні Таяу Шығыс және Оңтүстік Азия кафедрасында оқуын аяқтап, бірақ әлі қорғауға шықпаған докторанттармен кездесу өтті. Бұл онлайн іс- шара докторанттардың ғылыми жұмыстары бойынша есептерін тыңдауға, олардың зерттеу бағыттары бойынша пікір алмасуға бағытталды.

Онлайн кездесуге кафедра меңгерушісі Кокеева Дариға Молдагалиевна, кафедра меңгерушісінің ғылыми-инновациялық қызмет және халықаралық байланыстар жөніндегі орынбасары Жумажанова Фарида Токановна докторанттардың ғылыми жетекшілері доцент PhD Мустафаева А.А. аға оқытушы Батырхан Б.Б. және бітіріп кеткен докторанттар қатысты. Іс-шара барысында кафедра меңгерушісінің ғылыми-инновациялық қызмет және халықаралық байланыстар жөніндегі орынбасары Жумажанова Фарида Токановна факультетте құрылған диссертациялық кеңес құрамымен таныстырып, дәрежелерді беру қағидаларындағы өзгерістер туралы баяндады. Ал,  бітіріп кеткен докторанттар өздерінің зерттеулерінің негізгі нәтижелері және алдағы жоспарларымен бөлісіп, көкейлерінде жүрген сұрақтарымен бөлісті.

Кафедра меңгерушісі Кокеева Дариға Молдагалиевна докторанттардың ғылыми-зерттеу қызметіндегі жетістіктерін жоғары бағалай отырып, кейбір ескертпелерін айта отырып, олардың диссертацияларын табысты қорғауына өз тарапынан тілегін білдірді.

Онлайн кездесудің нәтижесінде докторанттар ғылыми жұмыстарын қорғауға  қатысты ережелермен нақтырақ танысты. Мұндай іс-шаралар жас зерттеушілердің академиялық әлеуетін арттыруға және олардың ғылыми жетістіктерге жетуіне зор ықпал етеді.

Таяу Шығыс және Оңтүстік Азия кафедрасында докторанттарды қолдау мақсатында осындай кездесулерді тұрақты түрде ұйымдастырып отыруды жоспарлауда.