Әл-Фараби атындағы Қазақ ұлттық университетінің Шығыстану факультетінің 4-курс студенті Жеңіс Жадыра Қазақстан Республикасы Сыртқы істер министрлігінде өндірістік тәжірибеден сәтті өтті

ҚР Сыртқы істер министрлігіндегі (СІМ) тәжірибеден өту мен үшін бірнеше маңызды мақсатқа жетуге мүмкіндік берді:
Біріншіден, мен құнды тәжірибе жинақтап, әл-Фараби атындағы ҚазҰУ-да Шығыстану факультетінің Қиыр Шығыс (корей тілі) кафедрасында алған теориялық білімімді сәтті қолдана алдым. Екіншіден, бұл менің шет тілі білімімді жетілдіруге ықпал етті. Үшіншіден, департамент қызметкерлері мен басшылығының көмегімен мен құжат айналымының ережелерімен және іскерлік хат алмасуды, соның ішінде дипломатиялық ноталар мен ресми хаттарды рәсімдеу тәртібімен таныстым.
Сондай-ақ, мен корей тілі білімімді (хаттарды дайындау, құжаттама мен іскерлік хат алмасуды рәсімдеу, шет тілінен мемлекеттік тілге және керісінше аудару) тәжірибеден өткізуге және ҚР СІМ Азия-Тынық мұхит өңір департаментінде қабылданған келіссөздер жүргізудің іскерлік дағдыларымен және дипломатиялық әдеппен танысуға бірегей мүмкіндік алдым. Осылайша, мен өндірістік тәжірибеден сәтті өтіп қана қоймай, аудармалар мен ауызша қарым-қатынасқа байланысты коммуникативтік және ақыл-ой қабілеттерімді жақсарта алдым. Жалпы, ҚР СІМ-де өндірістік тәжірибеден өту менің кәсіби көкжиегімді айтарлықтай кеңейтуге және алған дағдыларымды іс жүзінде қолдануға мүмкіндік берді.