ӘЛ-ФАРАБИ АТЫНДАҒЫ ҚАЗҰУ ЖӘНЕ SOAS, UNIVERSITY OF LONDON ОҚЫТУШЫЛАРЫ МЕН СТУДЕНТТЕРІ ЫНТЫМАҚТАСТЫҚ МӘСЕЛЕЛЕРІН ТАЛҚЫЛАЙДЫ

2025 жылғы 2 сәуір күні Шығыстану факультеті, Мухаммад Али Джинна орталығында Орталық Азия бойынша танымал ғалым, профессор Бхавна Даве бастаған SOAS университетінің өкілдерімен кездесу өтеді. Шара барысында факультет деканы Н.Б. Ем, оқытушылар, докторанттар мен студенттер қонақтармен пікір алмасып, академиялық ынтымақтастықтың болашағы мен бірлескен зерттеулерді талқылайды. Сонымен қатар, сапар бағдарламасы аясында профессор Л.Г. Ерекешева ағылшын тілінде ашық дәріс оқиды.

Лондон университетінің Шығыс және Африка зерттеулері мектебі (SOAS, University of London) ұйымдастырған білім беру-танымдық сапары (Study Tour) аясында 1-9 сәуір аралығында Алматы және Бішкек қалаларында өтеді.

Әл-Фараби атындағы Қазақ ұлттық университеті (ҚазҰУ) мен Лондон университетінің Шығыс және Африка зерттеулері мектебі (SOAS, University of London) 2024 жылы ынтымақтастық туралы меморандумға қол қойған.