Қытайтану кафедрасында "Сақ-Үйсін мәдениеті" және "Алтын адам" феномені бойынша ғылыми семинар өтті

2025 жылдың 1 сәуір күні Шығыстану факультетінде  «Сақ-Үйсін мәдениет және Алтын адам»  тақырыбында ғылыми- семинар өтті. Іс-шараны қытайтану кафедрасының «8D02209 – «Шығыстану» мамандығы бойынша 2-курс докторанты Құрбанәлі Жазира  зерттеу жұмысы аясында ұйымдастырды.

Семинарға оқытушылар, докторанттар, магистранттар және қытай мен Орталық Азия мәдениетін зерттеушілер қатысты. Іс-шараның негізгі мақсаты – сақ-үйсін мәдениетін жан-жақты қарастыру, оның ішінде Үйсін мемлекетінің құрылымы, олардың мәдени дәстүрлері, өмір салты және діни нанымдары туралы ғылыми талдау жүргізу болды.

Семинар барысында тақырыпқа қатысты археологиялық жаңалықтарға, мемлекеттік рәміздерге, рухани құндылықтарға және сақ-үйсін мәдениетін зерттеудегі түрлі тарихнамалық көзқарастарға ерекше назар аударылды. Сондай-ақ Үйсін мемлекетінің қалыптасу ерекшеліктері мен оның көрші өркениеттермен өзара байланысы талқыланды.

Семинар қорытындысы бойынша ғылыми мақала дайындау және тақырыпты тереңірек зерттеу мақсатында қосымша кездесулер өткізу туралы шешім қабылданды.