Шығыстану ғылымының өзекті мәселелеріне арналған көшбасшылық дәріс өтті

2025 жылдың 1 қазаны күні Қазақстан Республикасының Жоғары білім қызметкерлері күніне орай әл-Фараби атындағы Қазақ ұлттық университетінің Шығыстану факультетінде қытайтану кафедрасының профессоры, тарих ғылымдарының докторы Алдабек Нұржамал Әбдіразаққызы студенттерге арнап көшбасшылық дәріс оқыды.

«Шығыстану білімі мен ғылымының қазіргі мәселелері» тақырыбындағы дәріс барысында профессор бакалавриат, магистратура және докторантура деңгейіндегі студенттерге таңдаған мамандықтарының ерекшеліктері мен мүмкіндіктерін жан-жақты түсіндіріп, шығыстану ғылымының Қазақстандағы даму тарихы мен бүгінгі жағдайын талдады.

Іс-шара студенттерге кәсіби бағдар беріп қана қоймай, шығыстану саласында ғылыми ізденістер жүргізудің маңыздылығын көрсетіп, болашақ зерттеушілерді ғылымдағы жаңа белестерге ынталандыруға бағытталды.