"Автокөліктерді утилизациялау бойынша құқықтық механизмдер: климаттық өзгерістермен күрестің жаңа жолдары"

23.10.2024 "Климаттың өзгеруіне қарсы күрес" БҰҰ ТДМ №13 іске асыру шеңберінде қылмыстық құқық, қылмыстық іс жүргізу және криминалистика кафедрасының доценттері А. Ж.Байсалов, О. Н. Тілепбергенов және Заң факультетінің студенттері, Алматы қаласындағы автомобильдерді кәдеге жарату пунктілеріне барып, автомобильдерді қайта өңдеу процесінің ауқымын бағалап, пайдалануға жарамсыз автомобильдерді кәдеге жаратудың тиімді құқықтық тетігінің маңыздылығын талқылады.

"Ескі көліктер, әсіресе жарамсыз қозғалтқыштары бар көліктер атмосфераға тым көп көмірқышқыл газын (CO₂) және басқа парниктік газдарды шығарады. Ескі көліктерді дұрыс кәдеге жаратудың және оларды экологиялық таза модельдерге (электромобильдер немесе будандар) ауыстырудың тиімді құқықтық механизмі CO₂ шығарындыларын азайтуға көмектесіп қана қоймай, БҰҰ ТДМ 13 тапсырмасын орындауға тікелей ықпал етеді", – деп атап өтті доцент Тілепбергенов. 

Бұл механизм экологиялық таза технологияларды пайдалануды және зиянды шығарындылардың белгіленген нормаларын сақтауды ынталандыра отырып, автомобильдерді кәдеге жаратудың міндетті стандарттарын заңды түрде бекіту үшін де қажет.

Мұндай механизмсіз, климаттың өзгеруі мен кәдеге жарату саласындағы тұрақты даму мақсаттарына толық қол жеткізу мүмкін емес.