ӘЛ-ФАРАБИ АТЫНДАҒЫ ҚАЗҰУ ХАЛЫҚАРАЛЫҚ РЕЙТИНГТЕРДЕ
Әл-Фараби атындағы ҚазҰУ әлемдік деңгейдегі зерттеу университетіне айнала отырып, феноменальды табысты көрсетіп, әлемдік рейтингтің барлық номинацияларында қарқынды ілгерілеуде.
«QS WUR»
Әл-Фараби атындағы ҚазҰУ QS беделді рейтингтік агенттігінің зерттеу қорытындысы бойынша «QS World University Rankings (QS WUR) – 2023» рейтингінде 230 орын алды. Рейтингті өткізу кезінде «академиялық бедел», «жұмыс берушілер арасындағы бедел», «бір оқытушыға шаққандағы дәйексөздер саны», «оқытушылар санының студенттерге арақатынасы», «шетелдік студенттердің үлесі», «шетелдік оқытушылардың үлесі» сияқты көрсеткіштер ескерілді.
«QS WUR by subject»
«QS World University ranking by Subject 2023» пәндік рейтингінің қорытындысы бойынша әлемнің 1422-ден астам университеті бес пәндік сала бойынша рейтингтелді, Әл-Фараби атындағы ҚазҰУ өз көрсеткіштерін жақсартты және позицияларын нығайтты. 2023 жылы үздік топқа 14 дайындық бағыты кірді.
«QS Graduate Employability Rankings»
Әл-Фараби атындағы ҚазҰУ түлектерді жұмысқа орналастыру рейтингінде (QS Graduate Employability Rankings) 550 жоғары оқу орнынан 201-250 орын алған Орталық Азиядағы алғашқы жоғары оқу орны болды.
«QS Asia University Rankings»
«QS Asia University Rankings 2023» Халықаралық рейтингінің қорытындысы бойынша ҚазҰУ Қазақстанда көшбасшылық позицияға ие болды және өткен жылмен салыстырғанда беделді рейтингте өз позициясын айтарлықтай жақсарта отырып, Азия университеттері арасында рейтингте үздік 4%-ға кірді. Бір жыл ішінде университет 15 позицияға көтеріліп, 856 қатысушы жоғары оқу орындарының арасында 29-орынға ие болды.
«QS Asia University Rankings: Central Asia»
ҚазҰУ Орталық Азиядағы бірінші жоғары оқу орны болып танылып, «QS Asia University Rankings 2023: Central Asia» рейтингінде 1-ші орынды иеленді.
QS STARS «5 ЖҰЛДЫЗ» ҮСТЕМДІК БЕЛГІСІ
Quacquarelli Symonds (QS) беделді халықаралық рейтинг агенттігі жүргізген тәуелсіз бағалау қорытындысы бойынша әл-Фараби атындағы Қазақ ұлттық университеті жоғары бағаға ие болды және «QS Stars Rating System» халықаралық рейтингінде «5 жұлдызды» үздік алған Орталық Азия өңіріндегі бірінші және жалғыз жоғары оқу орны болды.
QS-тің «5 жұлдыз» үстемдік белгісін алу әл-Фараби атындағы ҚазҰУ-дың халықаралық беделге ие екендігін және жаһандық ғылыми-білім беру кеңістігінде көшбасшылық ұстанымдарын көрсететінін білдіреді. Үстемдік жұлдызы университеттің күшті жақтарын көрсетіп, университеттің артықшылықтарын атап өтіп, серіктестерге, білім беру саласындағы халықаралық сарапшыларға және шетелдік және отандық талапкерлерге оқуға түсу үшін университетті таңдау кезінде бағдар береді.
«Times Higher Education»
Times Higher Education (THE) WUR - 2023 университеттерінің әлемдік рейтингінде ҚазҰУ 1201-1500 позициясын иеленді. 2022 жылмен салыстырғанда университет «Зерттеу ортасы», «Зерттеу сапасы», «Халықаралық ынтымақтастық» индикаторлары бойынша көп балл жинады. Бұл санаттарға университеттің ғылыми зерттеулердегі беделін бағалайтын көрсеткіштер, ғылыми жарияланымдар саны, дәйексөз бойынша әлемдегі ең жақсы басылымдар және басқалар кіреді
«THE WUR by Subject»
ҚазҰУ-дың «Times Higher Education by Subject 2023» халықаралық рейтингіндегі позициясы:
«THE Asia University Rankings»
«Times Higher Education» Британдық агенттігінің зерттеу нәтижелері бойынша «Asia University Rankings 2023» рейтингінде ҚазҰУ 351-400 орын алады.
«UI Green Metric Ranking of World»
«UI Green Metric Ranking of World Universities 2023» ең экологиялық университеттердің жаһандық рейтингінде университет 457-ші орынға ие болды және 2022 жылмен салыстырғанда қазақстандық жоғары оқу орындары арасында көшбасшылар үштігіне кірді. Рейтингке мынадай көрсеткіштер кіреді: ЖОО-ның инфрақұрылымы мен қоршаған ортасы, энергияны тиімді пайдалану және климаттың өзгеруіне әсер ету, су ресурстарын ұтымды пайдалану, көлік саясаты, білім беру.
IAAR Eurasian University Ranking
Аккредиттеу және рейтингтің тәуелсіз агенттігі (АРТА) жүргізген «IAAR Eurasian University Ranking (IAAR EUR)» 2023 университеттердің халықаралық рейтингінің қорытындысы бойынша әл-Фараби атындағы ҚазҰУ Қазақстан, Ресей, Қырғызстан, Беларусь, Украина, Әзірбайжан және Молдова ЖОО арасында бірінші және үздік университет болып танылды.
Халықаралық рейтинг
ҚазҰУ - Қазақстан Республикасының «ЖОО cұраныстың тәуелсіз рейтингі – 2023» ұлттық рейтингінде көшбасшы
Академиялық рейтинг және үздіктер обсерваториясы (IREG) аккредиттеген Аккредиттеу және рейтингтің тәуелсіз агенттігі (АРТА) жүргізген Қазақстан Республикасының танымал университеттерінің 2023 жылғы ұлттық рейтингінің қорытындысы бойынша Әл-Фараби атындағы ҚазҰУ басқа ұлттық университеттер арасында ең көп ұпай жинаған бірінші және үздік университет болып танылды. Университетіміздің осы рейтингтегі серпілісінің айрықша белгісі әлемдік индекстелген Q1-Q2 журналдарындағы ғылыми жарияланымдар санының артуы, сонымен қатар әл-Фараби атындағы ҚазҰУ-дың ғылыми жұмыстарының нәтижелеріне сұраныс пен ғылыми зерттеулердің тиімділігін айғақтайтын университет ғалымдарының көрсеткіштілігі.
ҚР ТОП-20 ЖОО-ның БАС РЕЙТИНГІ
Білім беру бағдарламаларының цифрлық рейтингі 1600 астам білім беру бағдарламаларының рейтингін және Қазақстан Республикасының жоғары оқу орындарының жалпы рейтингін қалыптастыруға мүмкіндік береді. Осы ұлттық рейтингке қатысу білім беру қызметінің бәсекеге қабілеттілігінің өсуіне ықпал етеді және білім сапасының нарық талаптарына сәйкестік дәрежесі туралы жұртшылықты хабардар етуді, оқытушылардың мойындалуын және университеттің ғылыми-зерттеу қызметінің тиімділігін қамтамасыз етеді.
ҚазҰУ – Қазақстанның жетекші жоғары оқу орындарының ұлттық рейтингінде көшбасшы 2023
Білім беру сапасын қамтамасыз ету тәуелсіз агенттігінің (БСҚТА) мәліметі бойынша, әл-Фараби атындағы ҚазҰУ тағы да бірінші орынға ие болып, ең көп ұпай жинап, 2023 жылы Қазақстанның ең көп салалы университеті болып танылды.
IQAA – Шанхай агенттігі және Us News сияқты әлемнің жетекші рейтингтік агенттіктері кіретін академиялық рейтинг және артықшылық бойынша IREG обсерваториясының негізін қалаушы ұйым. IQAA рейтингінің артықшылығы – уақыт сынынан өткен әдістеме, бедел, объективтілік пен сенімділік, ұлттық және халықаралық сарапшылардың мойындауы болып табылады.
Білім сапасын қамтамасыздандыру бойынша тәуелсіз агенттік-Рейтинг (IQAA Ranking) қазақстандық жоғары оқу орындарына өз позицияларын анықтауға, білім беру қызметтерінің бәсекеге қабілеттілік деңгейін бағалауға, жоғары оқу орнының сапалы жұмысына жәрдемдесуге, ең бастысы - білім алушылардың көп санын тартуға және жұмыс берушілер үшін тартымдылық шеңберін кеңейтуге мүмкіндік береді.
Ұлттық рейтинг
«Әл-Фараби атындағы ҚазҰУ» КеАҚ сапа менеджменті жүйесі
2024 жылы сертификаттау аудитінің қорытындысы бойынша «әл-Фараби атындағы ҚазҰУ» КеАҚ университеттің сапа менеджменті жүйесінің ISO 9001:2015 халықаралық стандарттарының талаптарына сәйкестігін растайтын «G-CERTI» органының халықаралық сертификатын алды.
_page-0001.jpg)