Дуалды білім беру аясында студенттердің реставрациялық тәжірибесі

27 қараша күні Археология, этнология және музеология кафедрасының қауымдастырылған профессоры Гүлжан Асанқызы 4 курс студенттерін дуалды білім беру бағдарламасы аясында «Тарихи-мәдени мұраны қалпына келтіру және сақтау» пәні бойынша ұйымдастырылған дәріске апарды. Студенттер «Остров Крым» ғылыми-реставрация лабораториясында тарихи жәдігерлерді сақтау және қалпына келтіру технологияларымен танысты. Сапар барысында олар реставрация процесінің ерекшеліктерін, заманауи материалдар мен әдістерді қолдану тәжірибесін көріп, теориялық білімдерін тәжірибелік дағдылармен толықтырды. Бұл дәріс дуалды білім берудің тиімділігін арттырып, студенттердің кәсіби біліктілігін нығайтуға ықпал етеді.