Жас зерттеушілерге ғылыми қолдау

Плазма физикасы, нанотехнология және компьютерлік физика кафедрасы "Дарын" Республикалық ғылыми-практикалық орталығымен бірлесе жұмыс істей отырып, жаратылыстану бағытындағы мектеп оқушыларының ғылыми қызығушылығын арттыруға тұрақты үлес қосып келеді.

2025–2026 оқу жылы аясында 25 қараша күні өткен «Зерде» республикалық зерттеу жұмыстары мен шығармашылық жобалар байқауына кафедрамыздың қауымдастырылған профессоры К.М. Туреханова қазылар алқасының құрамында болып, оқушылардың ғылыми жобаларын бағалады. Сонымен қатар, жас зерттеушілерге ғылыми мәдениет, зерттеу әдістемесі және алғашқы ғылыми дағдыларды қалыптастыру жөнінде құнды кеңестер берді.