Қонақ дәріс: “Қаржылық ресурстарды цифрлық талдау”
2025 жылдың 2 желтоқсанында Экономика және Бизнес Жоғары мектебінде ТДМ-нің 4-ші «Сапалы білім беру», 8-ші «Лайықты еңбек және экономикалық өсу» және 9-шы «Инновациялар, өнеркәсіп және инфрақұрылым» мақсаттарына сәйкес факультет студенттері үшін АҚ “Freedom Cloud” компаниясының бас директоры Темирлан Зиналабдин қонақ дәріс өткізді.
Дәріс барысында спикер қаржылық ресурстарды цифрлық талдаудың заманауи әдістері, бұлтты инфрақұрылымдағы қаржы процестері, деректерді басқару және цифрлық трансформацияның экономикалық тиімділігі туралы өз тәжірибесімен бөлісті. Студенттер қаржыны цифрлық басқарудың практикалық мүмкіндіктерімен және Қазақстандағы цифрлық инфрақұрылымның даму бағыттарымен танысты. Қонақ дәріс өте жоғары деңгейде өтті. Факультет студенттері тарапынан компанияға қызығушылық туындады және ұсыныстар білдірілді.
Ұйымдастырушы: “Экономика” кафедрасы.