ҚазҰУ оқытушысы Шәкәрім Университетінде курс өткізді

Ақпараттық технологиялар және жасанды интеллект факультетінің Компьютерлік ғылымдар кафедрасының доцент м.а., PhD, Жолдас Бурибаев Шәкәрім университетінде өткен «Edusummer: Озық тәжірибе – ортақ даму» атты жазғы мектеп аясында генеративті жасанды интеллект тақырыбында тегін курс өткізді. Іс-шараға университеттің профессорлық-оқытушылар құрамы мен жазғы мектеп қатысушылары қатысты.
Аталған жазғы мектеп оқытушылардың кәсіби дамуын қолдауға, заманауи білім беру үрдістерін меңгеруге бағытталып, Біріккен Ұлттар Ұйымының Тұрақты даму мақсаттарының 4-мақсаты – сапалы білімді қамтамасыз ету қағидаттарына толық сәйкес келеді. Бағдарлама шеңберінде дәрістер мен тәжірибе алмасу ұйымдастырылды.
«Edusummer» жазғы мектебі озық тәжірибе мен жаңашылдыққа негізделген маңызды білім беру алаңы ретінде өтті.