Ғылым мен қаржы болашағы: физик-студенттер қаржылық сауаттылықты меңгеруде

Факультетте «Физика және нанотехнология» мамандығының студенттеріне арналған кураторлық сағат өтті.

Қазіргі заманғы ғалым — тек формулалар мен тәжірибелерге қызығатын маман ғана емес, сонымен қатар өз ресурстарын тиімді басқара білетін кәсіби тұлға. «Физика және нанотехнология» мамандығының 2-курс студенттері мен олардың кураторы Аширбек Азаматтың кездесуі дәл осы тақырыпқа арналды.

Не туралы айтылды?

Цифрлық технологиялар дәуірінде қаржылық сауаттылық компьютерді пайдалану сияқты базалық дағдыға айналды. Кездесу барысында қатысушылар келесі мәселелерді талқылады:

·         20 жастағы жеке бюджет: Шәкіртақы мен алғашқы жобалардан түскен табысты оқуға да, өзін-өзі дамытуға да жететіндей етіп қалай бөлуге болады?

·         Ғылыми технологияларға инвестиция салу: Студенттер нанотехнология саласындағы кәсіби білімдері жоғары технологиялар нарығындағы трендтерді түсінуге қалай көмектесетінін талқылады.

·         Киберқауіпсіздік: Цифрлық активтерді қалай қорғау керек және желідегі алаяқтардың құрығына түспеу жолдары қандай?

Бұл физиктер үшін неге маңызды?

«Мәліметтерді талдау және себеп-салдарлық байланысты көре білу — біздің студенттердің мықты жағы. Дәл осы дағдылар қаржыны басқаруда да өте маңызды», — деп атап өтті топ кураторы Әшірбек Азамат.

Кездесу ашық диалог форматында өтті. Студентер криптовалюталар, жас зерттеушілерге арналған салық салу ерекшеліктері және алғашқы «қаржылық қауіпсіздік жастығын» қалай жасау керектігі туралы белсенді сұрақтар қойды.

Мұндай іс-шаралар студенттерімізге болашаққа сеніммен қарауға және өз әлеуетін тек зертханада ғана емес, өмірде де тиімді жүзеге асыруға көмектеседі!