Ақпараттық жүйелер мамандығының студенттері «Қаракөз» спектаклін тамашалады

11.02.2026 жылы АЖ-24-01 тобы, куратор Сәндібек Динара Еркінқызымен Ғ. Мүсірепов атындағы Қазақ мемлекеттік академиялық балалар мен жасөспірімдер театрына барып, «Қаракөз» спектаклін тамашалады.

Қойылым студенттерге ерекше әсер қалдырды. Спектакль барысында қазақ халқының салт-дәстүрі, адамгершілік құндылықтары мен терең сезімдері шынайы бейнеленді. Қойылым арқылы қазақ әйелінің даналығы, төзімділігі мен қайсарлығы айқын көрініс тапты.

Актерлердің шебер ойыны мен сахнаның әсерлі безендірілуі көрермендерді бей-жай қалдырмай, қойылымды үлкен қызығушылықпен тамашалауға мүмкіндік берді. Студенттер спектакльден кейін алған әсерлерімен бөлісіп, өз ой-пікірлерін ортаға салды.

Бұл мәдени шара студенттер үшін рухани тұрғыдан маңызды әрі есте қаларлық күн болды. Осындай тағылымды қойылымдар ұлттық өнерге деген қызығушылықты арттырып, жастардың рухани дамуына оң ықпал етеді.