Академиялық ұтқырлық конкурсы жарияланды

Әл-Фараби атындағы Қазақ ұлттық университеті 2026-2027 оқу жылының күзгі семестрінде ҚР республикалық бюджеті есебінен академиялық ұтқырлық бағдарламасы бойынша білім алуға конкурс жариялайды. Бұл мүмкіндік бакалавриат студенттеріне арналған.

Ұтқырлық университет пен шетелдік серіктес жоғары оқу орындары арасындағы халықаралық ынтымақтастық келісімшарттарына сәйкес жүзеге асырылады.

Конкурсқа қатысу үшін құжаттар egov.kz порталы арқылы қабылданады.

Қажетті құжаттар тізімі:

1.     Үміткердің ЭЦҚ-сымен (электрондық цифрлық қолтаңба) қол қойылған өтініш;

2.     Қазақстан Республикасы азаматы паспортының электрондық көшірмесі;

3.     Білімі туралы құжаттардың электрондық көшірмесі;

4.     Университет мөрімен расталған ағымдағы үлгерім туралы транскрипт;

5.     Шетел тілін меңгеру деңгейін растайтын құжаттың электрондық көшірмесі (үміткер төмендегі құжаттардың бірін ұсынады):

o    Шетел тілін білу деңгейін бағалайтын халықаралық жүйелер арқылы алынған сертификат (болған жағдайда);

o    Шетелдік жоғары оқу орнының студентті бар тіл деңгейімен қабылдауға келісімі туралы хаты.

6.     Медициналық анықтаманың электрондық көшірмесі (шетелге шығатындар үшін);

7.     Қазақстан Республикасынан шығу кезінде үміткер 18 жасқа толмаған жағдайда ата-анасының, қорғаншыларының немесе заңды өкілдерінің шетелге шығуға берген жазбаша келісімінің электрондық көшірмесі;

8.     Студенттің көпбалалы отбасынан шыққанын растайтын отбасы құрамы туралы құжаттың электрондық көшірмесі;

9.     Студенттің ата-анасының жоқтығын растайтын құжаттың электрондық көшірмесі (жетім немесе ата-анасының қамқорлығынсыз қалған студенттер санаты үшін, болған жағдайда);

10.  Студенттің мүгедектігін растайтын құжаттың электрондық көшірмесі.

Үміткерлерді іріктеуді ҚР Білім және ғылым министрінің 2008 жылғы 19 қарашадағы №613 бұйрығымен бекітілген «Шетелге, соның ішінде академиялық ұтқырлық шеңберінде оқуға жіберу қағидаларына» сәйкес, Үміткерлерді іріктеу жөніндегі комиссия жүргізеді. Конкурс мәселелері бойынша кеңесті әр факультеттің ғылыми-инновациялық қызмет және халықаралық ынтымақтастық жөніндегі декан орынбасарлары береді.

Құжаттарды тапсыру мерзімі: 2026 жылғы 10 наурыз бен 10 маусым аралығы.