Фараби кітапханасында Студенттік қалашық дирекциясының ұйымдастыруымен көптен күткен маңызды іс-шара болып өтті. Аталған іс-шараның негізгі мақсаты – университетімізде жаңадан құрылған «Полицияның қоғамдық көмекшісі – ҚазҰУ студенттік ұйымын» ресми түрде таныстыру және оның құрамындағы студенттерге арнайы жеке куәлік табыстау.
Іс-шара барысында қоғам қайраткері, генерал-майор Анатолий Серіков қоғамда тәртіпті қадағалауда студенттердің алатын орны өте маңызды екенін атап өтті. Алматы қаласы Полиция департаментінің мамандандырылған патрульдік полиция батальоны штабының бастығы, полиция майоры Нұрсұлтан Рахманов жол-көлік ережелерін қатаң сақтауға және самокат, мопед көліктеріне қатысты жол-көлік апаттарының алдын алу шараларымен таныстырды. Сондай-ақ жаңадан қабылданған заңдар, маңызды мағлұматтармен бөлісті.
Іс-шара жоғары деңгейде өтіп, қатысушыларға үлкен әсер қалдырды. Ресми бөлім аяқталған соң, Алматы қаласы Полиция департаментіне қарасты полиция көмек көрсету штабының басшысы Евгений Петров полиция көмекшілеріне салтанатты түрде жеке куәліктерін табыстады.
Абдықахар СЕЙТЖАНОВ,
Студенттер қалашығының директоры
