ЮНЕСКО өкілінің қатысуымен ақпараттық-ағартушылық іс-шара
2026 жылғы 26 қыркүйекте филология факультетінің оқытушылары Тажибаева У.М. және Дюсенбекова Ж.А. заң факультетінің «Құқық қорғау қызметі» мамандығының 1-курс студенттерімен «Коммуникация және ақпарат саласындағы ЮНЕСКО мандаты» тақырыбында ақпараттық-ағартушылық іс-шара ұйымдастырды.
Іс-шара 2026 жылғы 26 қыркүйекте сағат 13:00-ден 14:00-ге дейін заң факультетінің 4-дәріс залында өтті. Іс-шараға заң факультетінің «Құқық қорғау қызметі» мамандығының 60 студенті қатысты.
Іс-шараның құрметті қонағы ЮНЕСКО-ның Алматыдағы Өңірлік кеңсесінің коммуникация және ақпарат жөніндегі ұлттық бағдарламалық офицері Маджер Масанов болды.
Кездесу барысында білім беру, коммуникация және ақпарат саласындағы өзекті мәселелер, сондай-ақ цифрлық технологиялардың қазіргі қоғамдағы рөлі қарастырылды. Медиа және ақпараттық сауаттылық, шынайы ақпаратты тарату және жалған ақпаратқа қарсы іс-қимыл мәселелеріне ерекше назар аударылды.
Бөлек талқылау барысында БҰҰ-ның Тұрақты даму мақсаттары, атап айтқанда, 4-мақсат «Сапалы білім» және 16-мақсат «Бейбітшілік, әділеттілік және тиімді институттар» қарастырылды. Студенттерге сапалы әрі қолжетімді білім берудің маңызы, ақпаратқа қолжетімділікті қамтамасыз ету, ақпараттық және медиасауаттылықты дамыту, негізгі бостандықтарды қорғау және жауапты ақпараттық кеңістікті қалыптастыру мәселелері түсіндірілді.
ТДМ 16 аясындағы талқылау барысында пікір білдіру еркіндігі, шынайы ақпаратқа қолжетімділік, бұқаралық ақпарат құралдарының рөлі және ақпараттық материалдарды тарату кезіндегі жауапкершілік мәселелеріне ерекше назар аударылды. Студенттерге жалған немесе шындыққа сәйкес келмейтін ақпаратты жариялау және тарату жағымсыз салдарға әкелуі мүмкін екені түсіндіріліп, алынған ақпаратты сыни тұрғыдан бағалау, оның дұрыстығын тексеру және әлеуметтік желілер мен басқа да цифрлық ресурстарда жарияланымдар жасауға жауапкершілікпен қарау қажеттігі атап өтілді.
Сондай-ақ ЮНЕСКО өкілі студенттерге білім беру және кәсіби қызметте қолдануға болатын заманауи цифрлық технологиялар мен жаңа құралдар туралы айтып берді. Әртүрлі цифрлық қосымшалар және оларды практикалық тұрғыдан пайдалану мүмкіндіктері таныстырылды.
Жастар мен студенттерге арналған ЮНЕСКО мүмкіндіктеріне, оның ішінде жастардың кәсіби, цифрлық және коммуникативтік құзыреттерін дамытуға бағытталған білім беру, ақпараттық және халықаралық бастамаларға ерекше назар аударылды.
Өткізілген іс-шара студенттердің ақпараттық, медиа және цифрлық сауаттылығын арттыруға, ақпаратты таратуға жауапкершілікпен қарауын қалыптастыруға, сондай-ақ ЮНЕСКО-ның рөлі, Тұрақты даму мақсаттары және жастардың халықаралық бастамаларға қатысу мүмкіндіктері туралы түсініктерін кеңейтуге ықпал етті.
Кездесу ашық диалог форматында өтті. Оның барысында студенттер білім беру, коммуникация және ақпарат салаларындағы өзекті мәселелермен танысып, заманауи цифрлық құралдар мен ЮНЕСКО ұсынатын мүмкіндіктер туралы ақпарат алып, ұйым өкіліне өздерін қызықтырған сұрақтарды қоюға мүмкіндік алды.
