Студенттер қатарына қабылдау салтанаты өтеді

16 қыркүйек күні әл-Фараби атындағы ҚазҰУ-да жыл сайын дәстүрлі түрде ұйымдастырылатын студенттер қатарына қабылдау салтанаты өтеді.

Салтанатты кеште түрлі қойылымдар арқылы ҚазҰУ жобалары (ғылыми-инновациялық «Аl-Farabi university - smart city», «Айналаңды нұрландыр», «ҚазҰУ студенті оқуға тиіс 100 кітап», «Грин-кампус», «Саламатты дене мәдениеті») таныстырылып, "Бақыт" шоу балеті және 100 студенттің қатысуымен "I LOVE YOU KAZNU" атты флешмоб ұйымдастырылады.

2016-2017 оқу жылы университет үшін жағымды жаңалықтармен басталды. QS халықаралық агенттігінің рейтингісі бойынша әлемдегі ең үздік 800 универсиеттің ішінде ҚазҰУ 236-орынды иеленді, Рио Олимпиада ойындарындағы университет студенттерінің үздік көрсеткіштері, «Мәңгілік ел» салтанатты қақпасы мен Олимпиада чемпионы Дмитрий Баландин атындағы жүзу бассейнінің ашылуы ұлттық университеттің ғана емес барша қазақ халқының мерейін асқақтатты.

Мемлекеттік білім беру гранттарының саны бойынша ҚазҰУ дәстүрлі түрде бірінші орынға ие болды. Биыл ұлттық университетте бакалавриатта 3071 студент (1-курс) мемлекеттік грант негізінде білім алады. Ал жалпы саны 3500 арманшыл жас ҚазҰУ студенті атанды. Олардың ішінде 467 Алтын белгі игері мен 169 халықаралық және республикалық олимпиада жеңімпазы бар.

Салтанатты кеш ҚазҰУ ректорының және өзге де құрметті қонақтардың қатысуымен өтеді.

Іс-шараның өтетін орны мен уақыты: Ө.А.Жолдасбеков атындағы студенттер сарайы алаңы, 16 қыркүйек, басталуы сағ.18:00

Қосымша ақпарат үшін: Сартбай Жанар 8 707 562 85 04