Т.Тәжібаевқа арналған «Өнегелі өмір» сериясы

Әл-Фараби атындағы Қазақ ұлттық университетінің философия және саясаттану факультеті қоғам қайраткері Төлеген Тәжібаевтің өмірі мен шығармашылығына арналған «Өнегелі өмір» сериясы жинағының  тұсаукесер рәсімін өткізеді.

Тұсаукесерге Т.Тәжібевтың жақындары, белгілі қоғам қайраткерлері мен зерттеушілер қатысады.

Қазақстанның белгілі тұлғаларының қызметтері мен өмірлері жайлы «Өнегелі өмір» атты университеттік серия кітабының басылымы КазҰУ ректоры Ғ.Мұтановтың бастамасымен жүргізіліп отыр. Кітапта ғалымның биографиялық мәліметтері, жариялымдары, академиктің қоғамдық және мемлекеттік ғылыми-педагогикалық қызметінің сипаттамасы, мұрағат құжаттары, фотосуреттер және шәкірттері мен әріптестерінің естеліктері берілген.

Қысқаша ақпарат: Қазақстанның еңбек сіңірген қайраткері, ғалым, Қазақ КСР Ғылым академиясының академигі Төлеген Тәжібаев 1948-1953 жылдары С.М.Киров атындағы Мемлекеттік университетінің ректоры, 1954 жылы Қазақ КСР Министрлер Кеңесі председателінің орынбасары, 1957-1961 жылдары дипломат,КСРО-ның Индиядағы елшісінің кеңесшісі болып қызмет атқарды.

Өтетін уақыты: 5 сәуір 2017 жыл, сағат 11.00

Өтетін орны: Алматы қ., әл-Фараби 71, әл-Фараби атындағы ҚазҰУ, ректорат ғимараты,15 қабат (мәжіліс залы)

Баспасөз қызметі