Білім беру сапасын қамтамасыздандыру (БСҚА) тәуелсіз қазақстандық агенттігінің рейтингі бойынша ҚазҰУ алғашқы орында. Көпбейінді ЖОО рейтингінің қорытындысы бойынша биылғы жылы да біріншілік қатарын Қазақстанның жетекші оқу орны Әл-Фараби атындағы ҚазҰУ сақтап қалды.
Л.Н.Гумилев атындағы Еуразия ұлттық университеті, М.Әуезов атындағы Оңтүстік Қазақстан мемлекеттік университеті, академик Е.А.Бөкетов атындағы Қарағанды мемлекеттік университеті, С.Торайғыров атындағы Павлодар мемлекеттік университеті жоғары дәрежелі бестікті құрап тұр.
Атап өту керек, БСҚА Ұлттық рейтингі үш құрастырушы: 1, 2 жəне 3 сауалдамадан тұрады. 1-ші сауалдама студенттер контингенті мен құрамын, олардың білім нəтижелерін, профессорлық-оқытушылар құрамы қызметінің сапасын, ЖОО-ның ғылыми жəне инновациялық қызметін, халықаралық ынтымақтастығын қамтитын академиялық статистикалық индикаторлар мен критерийлерді, сонымен бірге, ғаламтордағы ақпараттық көрсеткіштерді ұсынады. 2-ші сауалдама ЖОО сарапшыларының алдында ЖОО-ның мəртебесін көрсетсе, 3-ші сауалдама жұмыс берушілер алдында ЖОО-ның мəртебесін бағамдады.
Баспасөз қызметі
Басқа жаңалықтар
