WЕ PARTNERS-ТЕГІ МЕНІҢ ТӘЖІРИБЕМ

Мен WE Partners халықаралық компаниясында 2020 жылдың 10 ақпанынан 14 наурызына дейін тәжірибеден өттім. WE Partners Alliance (Дүниежүзілік атқарушы серіктестер) – бұл Украинада мен Қазақстандағы WE Partners серіктестігі. Альянс Корн Ферри халықаралық таланттарды басқару жөніндегі кеңес берушімен серіктестікте жұмыс істейді. Альянстың миссиясы – Украинада, Қазақстанда және бүкіл әлемде әртүрлі салалардың көшбасшыларына дамудың жаңа мүмкіндіктерін ұсыну үшін компаниялар арасындағы үздік халықаралық басқару тәжірибелерімен алмасуды жандандыру. WE Partners – Корн Ферри альянсы. Компания 1969 жылы құрылған. Әлемнің 40 елінде Korn Ferry-дің 80 кеңсесі бар. Халықаралық желінің Штаб-пәтері Лос-Анджелесте, АҚШ-тың Калифорния штатында орналасқан. Практиканың міндеттері: кадрлық саясат стратегиясын әзірлеуге және іске асыруға қатысу, басқарудың нысандары мен әдістерін жетілдіру; нарықтың жағдайы мен перспективаларын талдау, жоғары буындағы мамандар мен менеджерлерге қажеттілікті айқындау, кадрларды дамыту жүйесін жетілдіру; кадрлардың кәсіби, іскерлік және адамгершілік қасиеттеріне сәйкес олардың еңбек әлеуетін тиімді іріктеуді, орналастыруды және іске асыруды жүзеге асыру; тұрақты еңбек ұжымын қалыптастыруға және дамытуға, қолайлы әлеуметтік-психологиялық климат жасауға қатысу; құжаттарды орыс тілінен шет тілдерге және шет тілдерден орыс тіліне аудару. We Partners Kazakhstan альянсында тәжірибеден өту нәтижесінде халықаралық компанияның жұмыс құрылымын зерттеп, пайдалы тәжірибе жинақтадым.

Қиыр Шығыс кафедрасының 4 курс студенті Кантаева Мадина