ZICO Advisors Қазақстандағы исламдық қаржыландыруды дамытудың Бас жоспарымен таныстырды

Astana Finance days 2019 қолдауымен өткен исламдық қаржыландыру бойынша конференция барысында Малайзияның ZICO Advisors компаниясы  АХҚО үшін ИДБ-нің гранттық қаржыландыру аясында Қазақстанда исламдық қаржыландыруды дамытудың Бас жоспарымен таныстырды. Құжат әзірлену үстінде және 2019 жылдың соңында жарияланады.

Осы конференция жұмысы барысында Қазақстандағы исламдық қаржыландыруды дамытудың маңызды мәселелері қарастырылды.

Конференцияның бірінші күнінде гуманитарлық мәселелерді дамытудағы маңызды аспектілер мен Ислам даму банкінің (ИДБ) және рейтингтік агенттіктің (MIRA) Қазақстан экономикасына техникалық қолдау гранты аясында жасаған жұмыстары, елдің егеменді рейтингіне әсер ететін негізгі аспектілері туралы баяндамалар жасалды.