«Жібек жолы» оқымыстылар клубы құрылды

02.02.2021 ж. әл - Фараби атындағы Қазақ ұлттық университеті шығыстану факультеті қытайтану кафедрасының оқытушысы Дүйсенбай Құлпынайдың жетекшілігімен, 1 курс студенттері Әмина Жексенбекова, Алуа Текiбаева, Дәуренбаев Санат және тағы басқалар Алматы қаласындағы «Шанс» арнайы кітап дүкеніне барды. Ондағы мақсат болашақта аталмыш кітап дүкенмен бірлесе отырып жұмыс істеу, оқырмандар клубын құру болатын. Алдымен студенттер баспа компанияның құрылу, даму тарихымен танысып, содан кейін дүкендегі кітаптарды қарап, шолу жасады. Шара барысында студенттер сондай ақ өз ойларымен бөлісіп, өзіндік бағаларын берді. Нәтижесінде топ мүшелерінің ұйғарымымен «Жібек жолы» оқымыстылар клубы құрылды. Енді клуб мүшелері «Дұңхуантанудың он сегіз дәрісі» атты кітапты оқып, талқылайтын болып келісті. Ол жайында алдағы уақытта хабарлайтын боламыз.