Әлем Чемпионатында Дзюдо күресінен биология және биотехнология факультетінің 1-курс студенті Елдос Сметов 3-ші орынға ие болды

Қараша айының 1 мен 4 аралығында ОАР, Кейптаун қаласында Дзюдо күресінен Жастар арасында Әлем Чемпионаты өтті. Әлем чемпионатына биология және биотехнология факультетінің 1-курсы студенті Елдос Сметов 60 кг салмақтың санатында III орынды ұтып алды. Бұл табыс оны келесі жылы Лондон қаласында өтетін Олимпиада ойындарда Қазақстанның абыройын қорғауға қатысу мүмкіндігін сыйлады.

Елдос өзінің табысын Қазақстан Республикасы Тәуелсіздігінің 20 жылдығына арнайтындығын айтады.

Елдос Сметов Әлем Кубоктарынын бірнеше дүркін жеңімпазы, бірнеше жүлде иегері. Сонымен қатар ол былтыр өткен Әлем Чемпионатында Дзюдо күресінен 55 кг салмақ арасында жеңіске жеткен болатын.

Елдосқа қажымас қайрат тілей отырып үлкен шындардан көріне берсін деген тілек айтамыз. Мерейің үстем болсын!

ҚазҰУ-дың Баспасөз қызметі