ҚазҰУ – дипломатия мамандарының ұстаханасы

Қазақстан Республикасының Дипломатиялық қызмет күнімен шын жүректен құттықтаймын!

Мемлекет басшысы Қасым-Жомарт Тоқаев өз сөзінде:

«Стратегиялық маңызы зор мақсаттарға қол жеткізу үшін сыртқы жағдайлар да қолайлы болуы керек.

Дипломаттардың міндеті – ұлттық мүддені ілгерілету және қорғау, еліміздің халықаралық аренадағы беделін арттыру», – деп атап өткен болатын.

Қазіргі таңда еліміз барлық жетекші мемлекеттермен екіжақты дипломатиялық қатынастар орнатып, халықаралық қатынастар саласында өзіндік бағыт ұстанып келеді.

Әл-Фараби атындағы ҚазҰУ дипломатия мамандарын даярлаудың алғашқы ұстаханасы ретінде ерекшеленеді.

Қазақта «Елдестірмек – елшіден, жауластырмақ – жаушыдан» деген сөз бар.

Ел мен жердің тату болуына атсалысып, міндетін мінсіз атқарып жүрген сала мамандарын шын жүректен құттықтаймын!

Халықаралық аренадағы арман-мақсаттарыңыз орындалып, еліміз аман, жұртымыз тыныш болсын!

Құрметпен,

Әл-Фараби атындағы Қазақ ұлттық университетінің Басқарма Төрағасы – Ректоры

Жансейіт ТҮЙМЕБАЕВ