Әл-Фараби атындағы Қазақ ұлттық университетінің «Сұңқар» студенттер кәсіподағының ұйымдастыруымен дәстүрлі «Ең үздік студенттік топ – 2013» байқауы өткізіледі. ҚазҰУ қабырғасында алған білімдері мен жинаған тәжірибелерін ортаға салып, бақтарын сынау үшін әр факультеттен қатысуға ниет білдіретін студенттік топтары 10 ақпанға дейін көрсеткіштер кестесін толтырып, факультеттің кәсіптік бюросына өткізуі тиіс.
Жыл сайын өткізілетін бұл байқауда студенттердің біліктілігін, қоғамдық шаралардағы белсенділігін жоғарылатып, ұжымдық жауапкершілікті сезінуге, жеке және шығармашылық жұмыстарға талпынысын арттыруға тигізер үлесі көп. Факультет ішінен іріктеліп алынғаннан кейін дода 3 кезеңнен өтіп, оқу жылының соңына дейін жалғасын табады. Нәтижесінде жүзден жүйрік шыққан топ ҚазҰУ-дың «Ең үздік студенттік тобы» атағын алып, құнды сыйлықтарға ие болады.
Қосымша ақпараттарды факультеттің «Сұңқар» кәсіптік бюросынан ала аласыздар.
Басқа жаңалықтар
