ҚазҰУ профессоры V педагогикалық ғылымдар бойынша әлемдік конференцияға қатысты

2013 жылдың 5-8 ақпанында La Sapienza (Италия, Рим) университетінде болған білім беру жөнінде Әлемдік конференцияға 70-тен астам бүкіл әлем елдерінен жалпы адам саны 1400-ден аса ғалымдар мен зерттеушілер қатысты. әл-Фараби атындағы ҚазҰУ-дың дүние жүзі тарихы, тарихнама және деректану кафедрасының меңгерушісі, Геттинген университетінің Құрметті профессоры Қ.Т. Жұмағұлов конференция қатысып қайтты.

Оның әлеуметтік ғылымдар секциясында «Research of the Roman Empire’s and the Hun’s history in Kazakhstan» тақырыптағы баяндамасы Қазақстанда Рим империясы мен ғұндардың тарихын оқыту мен зерттеуге арналды. Латын және ертегермандық тілдерде сирек тарихи деректерге терең анализ жасай отыра негізделген, қазіргі археологиялық, лингвистикалық және басқа да бірқатар пәнаралық бағыттар кең қолданылған презентация халықаралық форумға қатысушылардың қызығушылығын тудырды.

Презентациядан кейін профессор Қ.Т. Жұмағұловқа Халықаралық конференция Президенті, АҚШ-тың ірі ғалымы Стивен М. Роуздың қолы қойылған белсенді қатысушы сертификаты берілді.

Ла Сапиенза университетінде. Білім беру жөнінде 5-ші әлемдік коференция үстінде

Білім беру жөнінде 5-ші әлемдік конференция Президенті проф. Стивен М. Роуз (АҚШ) және проф Қ.Т. Жұмағұлов. La Sapienza, Rom (6.02.2013г.)

ҚазҰУ-дың Баспасөз қызметі