Ауғанстаннан келген студенттер арасында «Менің университетім» атты кураторлық сағат өткізілді

Жоғары оқу орнына дейінгі білім беру факультетінің ЖОО-ға дейінгі дайындық кафедрасында №7,8,9,10,11,12 ауған тыңдаушылары арасында университеттің 80 жылдығына орай «Менің университетім» атты ашық кураторлық сағат өткізілді.

Кураторлық сағатты кафедраның куратор-эдвайзерлері Сандықбаева Ө.Д., Абдуллаева Ж.Т., Айтуарова Б.М., Қасымова Ж.П., Тілеужанова Г.Т. ұйымдастырды. Факультетте білім алушы ауған жастарын университеттің тарихымен және дәстүрімен таныстыру ашық кураторлық сағаттың басты мақсаты болып табылды. Ашық кураторлық сағат ауған тыңдаушыларының қойған «ҚазҰУ аллеясында» атты шағын көріністен басталды. Әрі қарай тыңдаушылар университет тарихы туралы қазақ тілінде баяндама жасады. Тақырыпты қабылдау үшін тыңдаушыларға университет туралы бейнеслайдтар көрсетілді. Кураторлық сағат барысында ауған тыңдаушылары университеттің ашылу тарихы, университетті басқарған ректорлар, факультеттері мен оның қазіргі бағыты мен жетістіктері туралы көптеген қызықты мәліметтер білді. Олар қазақ тілінде университет, білім туралы өлеңдер оқып, өз даярлықтары мен қазақ тілін жақсы меңгергендігін көрсетті. Кураторлық сағатты пысықтау үшін университет тарихына байланысты викториналық сұрақ-жауап ойыны өткізілді. Шетелдік тыңдаушылар мен тәрбие сағатына келген қонақтарға мерекелік көңіл-күй сыйлап, университет туралы кітаптардан шағын көрме ұйымдастырылды.