"Студенттер қатарына қабылдау-2022"

2022 жылғы 16 қыркүйекте Әл-Фараби ескерткішінің алдындағы алаңда өткен "Студенттер қатарына қабылдау-2022" атты жыл сайынғы мәдени-бұқаралық іс-шараға университеттің 5000-нан астам студенті, оқытушылар, профессорлар, белгілі мемлекет және қоғам қайраткерлері, Алматы қаласының әкімі Е. А. Досаев, ғалымдар, бизнесмендер, блогерлер, қазақстандық эстрада жұлдыздары қатысты. Концерттік бағдарламаға 500-ден астам студент қатысты, олардың арасында шетелдік студенттер де болды. Кеш мерекелік отшашу және танымал DJ және MC қатысатын жастар дискотекасымен аяқталды.