Күзде университет қабырғасында алғаш рет хореография, вокал және музыкалық аспаптарда орындау бойынша барлық студенттердің, оның ішінде шетелдіктердің қатысуымен дарынды жастар арасында "Farabi fest" көркемөнерпаздар байқауы өтті. Университет ректоры-Басқарма Төрағасы Ж. Қ. Түймебаев жастарға үлкен қолдау көрсетіп, фестиваль жеңімпаздарына гранд-финалда стипендиялар табыс етті. Төрт еселенген мөлшерде - гран-при иегерлеріне, үш еселенген – 1 орын, екі еселенген-2 орын, 1 стипендия - 3 орын. Бір ай бойы өткізген таланттар байқауына 2000-нан астам студент қатысып, 34 жүлделі орын берілді. Қатысқаны үшін 38 студентке дипломдар табысталды.
