Мемлекеттік білім беру грантын өтеу бойынша қосымша ақпарат
Мемлекеттік білім беру тапсырысы негізінде білім алған барлық түлектерге грантты өтеу мониторингін жүргізу мақсатында "Электрондық үкімет" порталының бірыңғай байланыс орталығынан 1414 "Қаржы орталығы" АҚ қызметтерін ұсыну үшін дербес деректерді (Жұмыс берушінің БСН, жұмысқа орналасу күні) алуға рұқсат сұрау туралы смс жіберілетін болады.
Жауап ретінде түлек дербес деректерді ұсынуға 511 (келісім) немесе 512 (бас тарту) мәтіні бар смс жіберуі тиіс.
Түлек смс сұрауына жауап ретінде 511 (келісім) мәтінін жібере отырып, "Қаржы орталығы" АҚ мекенжайына грантты өтеу туралы растайтын құжаттарды ұсынбайды, өйткені бітірушінің грантты өтеу туралы деректері Қазақстан Республикасы Еңбек және халықты әлеуметтік қорғау министрлігінің жауаптарында автоматты түрде көрсетілетін болады.
Түлек смс сұрауына жауап ретінде дербес деректерді ұсынуға 512 (бас тарту) мәтінін жібере отырып, "Білім туралы" ҚР Заңының (бұдан әрі - заң) 47-бабы 17-тармағында көзделген пысықтау жөніндегі міндеттерден босатылмайды, бұл ретте әрбір алты ай сайын үш жыл бойы пысықтауды құжатпен растауға міндетті.
Түлектер жұмыс бойынша өз міндеттерін орындамаған жағдайда, түлек Заңның 47-бабының 17-4-тармағында көзделген мемлекеттік білім беру тапсырысы негізінде оқу шығындарын өтеуге міндетті.
Осылайша, түлек 511 (Келісім) мәтіні бар смс жіберіп және дербес деректерді (Жұмыс берушінің БСН, жұмысқа орналасу күні) алуға келісім бере отырып, жұмыс істегені туралы құжаттарды жинау бойынша артық формальдылықтан босатылады.
