ГМК (генетикалық модификацияланған көздерден) алынған тамақ өнімдерінің сапасы мен қауіпсіздігін бағалау

2024 жылдың 10 сәуірінде кафедра профессоры Н.Ж. Өмірбекова ТДМ 3: денсаулық пен салауаттылық аясында «ГМК (генетикалық модификацияланған көздерден) алынған тамақ өнімдерінің сапасы мен қауіпсіздігін бағалау» тақырыбында дәріс өткізді. Дәрісте генетикалық модификацияланған ағзаларды (ГМА) сараптау мәселелері талқыланды. ГМА - бұл гендік инженерия әдістерінің көмегімен генетикалық материалы – ДНҚ жасанды түрде өзгертілген организмдер. ГМА құрамында кез келген басқа тірі ағзалардың ДНҚ фрагменттері болуы мүмкін. ГМА-ның үш тобы бар: өсімдіктер, жануарлар, микроорганизмдер. ГМА көптеген азық-түлік өнімдерінің құрамына кіреді. Трансгенді тағамдарды тұтынудың қауіптері толық зерттелмеген. Негізгі талдау: композициялық эквиваленттілік принципі, ГМА тағамын бастапқы дәстүрлі аналогымен салыстыру. Салыстыру негізгі қоректік заттардың құрамы бойынша жүргізіледі: белоктар, көмірсулар, майлар, улы заттар, аллергендер, микроэлементтер, аз мөлшерде тағамға қарсы заттар және т.б. Нормативтік-құқықтық құжаттар ГМК-дан алынған өнімдерді сараптау ережелерін анықтайды. ГМК-дан алынған азық-түлік өнімдерге медициналық-биологиялық, медициналық-генетикалық және технологиялық сараптамалар қарастырылған. ГМК-дан алынған өнімдер аллергенділік, мутагендік, эмбриотоксикалық, гонадотоксикалық және тератогендік әсерін зерттеулерден өткізіледі.