«Таза Қазақстан» экологиялық акциясы

Мемлекет Басшысы Қасым-Жомарт Тоқаевтың бастамасымен ұйымдастырылған «Таза Қазақстан» жалпыұлттық науқаны аясында елімізде «Таза Қазақстан» экологиялық акциясы басталды. Алға қойылған бастаманы қолдау және тұрақты даму мақсаттарына қол жеткізу үшін (6-Таза су және санитария, 11-Тұрақты қалалар мен елді мекендер) география және табиғатты пайдалану факультетінің профессор-оқытушылар құрамы мен білім алушылары 2024 жылғы 27 сәуірде сенбілік ұйымдастырды. Экологиялық дүниетанымды қалыптастыруға ықпал ететін бұл іс-шара корпусты тазалауға, аудиторияларды, кабинеттерді ретке келтіруге бағытталған.