«Ақпыз,қара,сарымыз - ағайынбыз бәріміз!»

Жоғары оқу орнына  дейінгі дайындық кафедрасының  АИР тыңдаушылары  мен шығыстану факультетінің тыңдаушылары арасында   университеттің 90 жылдық мерейтойына орай «Ақпыз,қара,сарымыз- ағайынбыз бәріміз!» атты 1 – мамыр Қазақстан халықтар бірлігі күні мерекесіне арналған іс шара өтті.
«Түрі басқа болса да,тілегі бір.
Жүзі басқа болса да, жүрегі бір» дегендей ,Қазақстан атты әлемге танылған ұлы мемлекетте 130-дан аса ұлттар мен ұлыстар достықта, тыныштықта бір шаңырақ астында өмір сүріп жатыр .
1995 жылдың наурызында дүниежүзіне үлгі болып отырған ұлтаралық татулық пен тұрақтылықтың феномені – Қазақстан Халықтары Ассамблеясы құрылды.Қазақстан көп ұлтты мемлекет. Олар өз елдерінде болмасада, Қазақтардың елін – елім деп, жерін – жерім деп, құрметтеп,  үлгілі, бақытты, өнегелі отбасы болып, әлем халықтары бір шаңырақтың астында тату – тәтті бейбітшілікте, ынтымақтастықта өмір сүріп отыр.
Мақсаты: 1 – мамыр Қазақстан халықтар бірлігі күні мерекесі екенін жеткізу. Ынтымақтыққа, достыққа, өз Отанын сүюге, қорғауға, көп ұлтты халқымыздың тыныштығы мен бірлігін нығайтуға ат салысатын азаматтар мен азаматшалар болуға тәрбиелеу. Тыңдаушылардың бірлік, ынтымақтастық туралы түсініктерін кеңейту.