Сорбонна-Қазақстан институтының басшылығы бойынша халықаралық техникалық сарапшы, "Гео-Энергетика" орталығының директоры Агнес Буссемен кездесу өтті

Әл-Фараби атындағы ҚазҰУ-да Сорбонна-Қазақстан институтының басшылығы бойынша халықаралық техникалық сарапшы, "Гео-Энергетика" орталығының директоры Агнес Буссемен өтті.

Кездесуде география және табиғатты пайдалану факультетінің деканы А.С. Ақтымбаева «Тұрақты даму және табиғатты тиімді пайдалану» ғылыми орталығында, «Қашықтықтан зондтау және қолдану технологиясы» Қазақстан-Қытай зертханасында жүргізіліп жатқан факультеттің ғылыми-инновациялық қызметін және табиғатты пайдаланудың тұрақты әдістерін зерделеуге және әзірлеуге және климаттық өзгерістерге бейімделуге бағытталған ағымдағы зерттеу жұмыстарымен таныстырды.

Тараптар әл-Фараби атындағы ҚазҰУ мен Гренобль-Альпі университеті арасындағы әріптестікті нығайту мәселелерін талқылады.  Білім беру бағдарламасын бірлесіп іске асыру, магистранттар, докторанттар мен жас ғалымдар үшін ғылыми тағылымдамалар ұйымдастыру және т. б. мәселелердің кең ауқымы бойынша өзара іс-қимыл уағдаластықтарына қол жеткізілді.

Бұл кездесуді ТДМ жүзеге асырады, соның ішінде ТДМ 4 - сапалы білім; ТДМ 8 - лайықты жұмыс және экономикалық өсу; ТДМ 17 - тұрақты даму мүддесіндегі әріптестік.