ҰЛТТЫҚ ДОМБЫРА КҮНІ ҚҰТТЫ БОЛСЫН!

Құрметті Әл-Фараби атындағы

Қазақ ұлттық университетінің оқытушы-профессорлары,

студенттері, магистрант-докторанттары!

 Сіздерді Ұлттық Домбыра күнімен шын жүректен құттықтаймын!

Мемлекет басшысы Қасым-Жомарт Тоқаев: «Бұл мерекенің қазақ руханияты үшін мән-маңызы зор. Қастерлі аспап дала өркениетінің ажырамас бөлігіне айналды. Төл мәдениетіміздің құнды қазынасын сақтау – баршамыздың парызымыз», - деп бүгінгі мерекенің маңызын ашып көрсетті.

Бүгінде ҚазҰУ-дың Арт-орталығында өнерлі студенттерге арналған «Домбыра» үйірмесі жұмыс істейді.

Аталған үйірмеге факультеттерде білім алатын 80-ге жуық студент қатысады.

Биылғы оқу жылында концерттік және оркестрлік 30 домбыра сатып алынды. Сондай-ақ шертер, қылқобыз, жетіген, дауылпаз, тайтұяқ, шаңқобыз, сылдырмақ, сыбызғы аспаптары жаңартылды.

Болашақта да ұлттық құндылықтарымызды қолдау, түрлі аспаптарда ойнайтын білім алушы жастарға жағдай жасау жұмыстары жалғаса беретіні сөзсіз.

Халқымыздың бай тарихынан, түрлі кезеңінен сыр шертетін күй-толғаулар мен жыр-дастандар құлағымыздан кетпесін!

Қасиетті ұлттық аспабымыз – домбыра төрімізден түспесін!

Құрметпен,

Әл-Фараби атындағы Қазақ ұлттық университетінің

Басқарма Төрағасы – Ректоры

Жансейіт ТҮЙМЕБАЕВ