Студенттер жазғы демалысты қалай өткізеді?

Жазғы демалысты студент, жалпы, бі­лім жолында жүрген жастардың асыға күтетіні анық. Тоғыз ай оқу кезеңі аяқ­тал­ған соң, әсіресе студенттер жазғы демалысын қалай өткізетінін алдын ала жоспарлап қояды. 

Ата-анасынан жы­рақ­та, үлкен қалада бі­лім алып жатқан сту­денттер туған же­ріне, үйіне қайтуға асы­ғады. Үш ай дем­алыста жақын­да­ры­ның жанында мауқын басып, қолғабыс ете­ді. Қаланың қарбалас тірлігінен босап, дем­алып, жаңа оқу жы­лы­на үлкен дайын­дық­пен келеді. Енді бірі уа­қытын босқа кетір­мей, түрлі тіл үйре­не­тін немесе өзге де қа­жетті курстарға жа­зылады. Сту­дент­­тер­дің басым көп­­ші­лігі жұмыс іс­теп, ата-аналарына ауырт­палық салмай, өзі еңбектенгенді жөн көреді. Ал жазғы де­ма­лыс жұмыс істеуге ең қолайлы уақыт. Сту­денттік кезде жұ­мыс істеу, адал ең­бек­пен ақша табу, жаз­ғы демалысты тек­­­ке өткізбеу ерек­ше сезімге бөлері хақ.

Демалысты әрі пай­­далы, әрі ұмы­тыл­мастай өткізу өзіңе байланысты. Көптен уақыт бөле алмай жүр­ген шаруа­ла­рың­мен айналысып, спорт­пен шұғылдану, кітап оқу, саяхаттау арқылы миың ты­ны­ғып, таным-көкжиегің кеңейіп, денсаулығың да біршама жақсарып қа­лады.

Жазғы демалыс­тың да аяқталуына са­наулы күндер қал­ды. «Үш ай жазғы ка­ни­кулда қандай іспен ай­налыстым, жос­па­рым орындалды ма, мен үшін бұл демалыс несімен ерек­ше­лен­ді?» деп өзіме есеп бе­ремін.

Биыл жазғы кани­ку­лымды жаман өт­кіз­бедім. Ден­сау­лы­ғым­ды тексерттім, ата-анама көмек бер­дім.

Студент түрлі жа­нр­­дағы кітап оқу­ды, күніне кемі 10 бет оқуды әдетке ай­нал­дыр­са, бұл уақыт ара­лығында бірнеше кі­тапты оқып тастауға болады. Көркем шы­ғар­ма оқу арқылы сөз­дік қорын то­лық­тырып, ойын анық әрі дәл жеткізуге дағ­ды­ланады. Жазғы дем­алысты жақсы өт­кі­зудің тағы бір жолы – саяхаттау. Өзге қа­лаға, тіпті басқа мем­ле­кетке саяхаттау жа­ңа тіл үйреніп, бас­қа ұлттың, халықтың өмірі, тіршілігімен та­нысуға мүмкіндік бе­реді. Көлік жүргізуді осы кезде үйреніп ал­саң, бұл да үлкен ол­жа.

Әнел АУҒАМБАЙ,

журналистика факультетінің студенті