ҚазҰУ-да әнші Жұбаныш Жексенұлымен кездесу өтті

Әл-Фараби атындағы Қазақ ұлттық университетінде журналистика факультетінің ұйымдастыруымен Қазақстанның еңбек сіңірген қайраткері, қазақ эстрадасының танымал жұлдызы, әнші, сазгер Жұбаныш Жексенұлының шығармашылық кездесу кеші өтті.

Іс-шараға оқу ордасының оқытушы-профессорлар құрамы мен білім алушы жастар қатысты. 

Жүздесуде музыкант өзінің өнер жолындағы естеліктерімен бөлісіп, табысқа жету жолында көрген қиындықтары мен қуаныштары туралы әңгімеледі. Жұбаныш Жексенұлы  шығармашылықта табандылық, өзін-өзі таныту, шынайы болу маңызды екенін айта келе, жастарды тәжірибеден қорықпауға шақырды.

Студенттер әншіге белсенді түрде сұрақтар қойып, жауап алды. Сондай-ақ музыка мен журналистикадағы қазіргі тенденциялар туралы пікіріне де қызығушылық танытты.

Жиын ортасында Жұбаныш Жексенұлы көрерменге арнайы әнін орындап, жиналғандарға қуаныш сыйлады.  

Оның сөзі студенттердің жылы лебізін тудырып, жағымды эмоциялар мен одан әрі дамуға мотивация қалдырды.

Әл-Фараби атындағы ҚазҰУ-дың Баспасөз қызметі