Халықаралық қатынастар факультетінде English Club ашылды

2024 ж. 4 қазанда әл-Фараби атындағы ҚазҰУ-дың халықаралық қатынастар факультетінде “English Club” пікірталас клубы өтті.

Талқылаудың тақырыбы – жасанды интеллекттің күнделікті өмірде кеңінен қолданылуы болды.

Клубты ұйымдастыру бастамасын «Дипломатиялық аударма» кафедрасының оқытушысы Карипбаева Гульнар Әліпбайқызы көтерді. Модераторлар рөлін халықаралық қатынастар мамандығының 3-курс студенттері атқарып, пікірталасқа белсене қатысып, нақтылайтын сұрақтар қойды. Жасанды интеллектті пайдалану этикасы мен қауіпсіздік мәселелері ерекше қызығушылық тудырды. Барлық қатысушылар өз пікірлерін білдіріп, қатар тілдік және шешендік дағдыларын жетілдіруге мүмкіндік алды.