Академиялық ұтқырлықтың студенттік білімге әсері

Менің есімім Көмек Әсемай әл-Фараби атындағы ҚазҰУ биология және биотехнология факультетінің биология мамандығының 4 курс студентімін. Биыл академиялық ұтқырлық бағдарламасы аясында мен конкурстан сәтті өтіп, Венгрия астанасы Будапештте орналасқан Венгрия ауыл шаруашылығы және тіршілік туралы ғылымдар университетінде бір семестр оқуға мүмкіндік алдым. Ботаника кафедрасының профессоры Мария Хеннің арқасында мен өсімдік генетикасы, органикалық егіншілік және өсімдік шаруашылығы сияқты пәндерді оқыдым. Маған бұл тәжірибе өте ұнады және шетелде білім алуға мүмкіндік берген университетім және декан Меруерт Сәкенқызы Құрманбаеваға алғысым шексіз. Бұл менің өмірімдегі ең жақсы кезеңдердің бірі болары сөзсіз!