Ғылыми басылымдарды дамыту мәселелері талқыланды

CONNECTED 2024: REIMAGINING THE FUTURE халықаралық конференциясы аясында «Халықаралық ғылыми басылымдар – сын-қатерлер мен даму» тақырыбында панельдік сессия өтті. Шараны ҚР ҒЖБМ Ғылым және жоғары білім саласындағы сапаны қамтамасыз ету комитеті ұйымдастырды.

Сессия Қазақстан Республикасының Президенттік орталығында Астана қаласында өтті. Жиынға ғылыми жұмыс жөніндегі проректорлар мен ғылыми журналдардың редакторлары қатысты. ҚР ҒЖБМ Ғылым және жоғары білім саласындағы сапаны қамтамасыз ету комитетінің төрағасы А.Тойбаев сессияға модераторлық етті.

Шараға Әл-Фараби атындағы ҚазҰУ атынан Ғылым және басылым басқармасының басшысы Қуаныш Тастамбек және «ҚазҰУ Хабаршысы. Халықаралық қатынастар және халықаралық құқық сериясы», «Ашық жүйелер эволюциясы мәселелері журналы», «ҚазҰУ Хабаршысы. Биология сериясы» және «ҚазҰУ Хабаршысы. Психология және әлеуметтану сериясы» журналдарының редакторлары қатысты. Қатысушылар халықаралық ғылыми басылымдарды дамыту және жарияланымдардың сапасын арттыру мәселелерін талқылады.

Әл-Фараби атындағы ҚазҰУ-дың Баспасөз қызметі