1-курс студенттеріне арналған мейрам

Әл-Фараби атындағы Қазақ ұлттық университетінде бірінші курс студенттерін қатарға қабылдау шарасы өтті.

Дәстүрлі түрде өтетін кешке мемлекет және қоғам қайраткерлері, «Париж – 2024» жазғы Олимпиада және параолимпиада ойындарында бақ сынасқан спортшылар Ғұсман Қырғызбаев, Жұмағали Нұрдәулет, Арина Алтухова, Азамат Дәулетбеков, Константин Малиновский және Ерғали Әлішер қатысты. Сондай-ақ БАҚ өкілдері, қазақ эстрадасының жұлдыздары, блогерлер, кәсіпкерлер, оқу ордасының оқытушы-профессорлар құрамы мен жастары жиналды.

Салтанатты жиынды Әл-Фараби атындағы Қазақ ұлттық университетінің Басқарма Төрағасы – Ректоры Жансейіт Түймебаев ашып, бірінші курс білімгерлерін жаңа оқу жылының басталуымен құттықтады.

Кейін университет басшысы 1-курс студенттеріне «Білім кілтін» табыстады.

Іс-шараға арнайы қатысқан «Париж – 2024» жазғы Олимпиада ойындарының қола жүлдегері Ғұсман Қырғызбаев сөз сөйлеп, оқу ордасының 90 жылдығымен құттықтады.

Салтанатты шара Арт-орталық пен СӨС орталығының спорт клубының қызметкерлері дайындаған концерттік бағдарламамен жалғасты.