Орнықты даму мақсаттарының “Сапалы білім” атты 4-ші бағытын іске асыру аясында 2024 жылдың 21-ші қазан күні әл-Фараби атындағы Қазақ Ұлттық университеті журналистика факультеті Баспагерлік-редакторлық және дизайнерлік өнер кафедрасының ұйымдастыруымен Республика күніне орай әйгілі “Көк тудың желбірегені” өлеңінің авторы, ҚР мәдениет қайраткері, ақын Алмас Ахметбекұлымен кездесу өтті. Куратор-эдвайзер Анар Қалибекқызы, Махаббат Құрмашқызы және Назерке Далелханқызының бастамасымен “6В02101 Баспа ісі” білім беру бағдарламасының 1-3 курс студенттері дайындаған ашық сабақ рухани кеш форматында өтті. Жиында автордың жырлары оқылып, патриоттық әндер шырқалды. Студенттер өздерін толғандарғын сұрақтарын қойып, рухани ой алмастырды. Ел құлағындағы, ұлтқа ой саларлық осы бір керемет туындыны, яғни “Көк тудың желбірегені” әнін ақынның сүйемелдеуімен студенттер хормен айтып, кеш соңында естелікке фотоға түсті.
Елдар Серікұлы
журналистика факультетінің 1 курс студенті
Басқа жаңалықтар
